බ්‍රිතාන්‍යයේ ලන්ඩන් නුවර ඩවුනින්ග් ස්ට්‍රීට්හි අංක 10 පිහිටි එරට අගමැති නිල නිවසේ විසූ ලැරී නම් සුරතල් බළලාගේ අනාගතය පිළිබඳව මේ දිනවල වැඩි කතා බහක් ඇතිව තිබෙනවා. බ්‍රිතාන්‍ය අගමැති ඩේවිඩ් කැමරන් අද (13) පටන් සිය ධුරයෙන් ඉල්ලා අස්වීමෙන් අනතුරුව ඔහු ඇතුළු ඔහුගේ පවුලේ සාමාජිකයන්ද එම නිල නිවසෙන් ඉවත්වීම සිදු වෙනවා.
ඒ අනුව 2010 වසෙර් කැමරන් අගමැති ධුරයට පත්වීමෙන් පසුව 2011 වසරේ පටන් අගමැති නිල නිවසේ ප්‍රධාන මී දඩයම්කරුවා ලෙස කටයුතු කළ ලැරීගේ පැවැත්ම පිළිබඳව මෙලෙස ප්‍රශ්නාර්ථයක් මතු වුණා.
දුඹුරු සහ සුදු පැහැයට හුරු පෘෂ්ටිමත් සිරුරක් හිමි ලැරී 2011 වසරේදී අගමැති කාර්යාලය වෙත ගෙන්වා ගත්තේ සුනඛයන් සහ බළලුන් සඳහා වෙන් වූ නිවාසයකින් බව සඳහන්. ලැරී සතු දඩයම් කිරීමේ සුවිශේෂී හැකියාව නිසාම අගමැති නිල නිවසේ මීයන් ඇල්ලීමේ රාජකාරිය සඳහා ඌ මෙලෙස රැගෙන විත් තිබෙනවා. කාලාන්තරයක් තිස්සේම එම රාජකාරිය ඉටු කළ ස්ටාල්වෝර්ට් රැටර් හම්ප්‍රි නම් බළලා 1997 වසරේ විශ්‍රාම යාමෙන් අනතුරුව ප්‍රථම වරට එම ධුරයට පත්වූ බළලා ලෙසින්ද මෙම ලැරී සැලකෙනවා.
ලැරී සිය නිල නිවෙස වෙත පැමිණි අවස්ථාවේදී ඉතා ඉහළින් ඌ පිළිගත් හිටපු අගමැති ඩේවිඩ් කැමරන්, ඩවුනින්ග් වීදියේ අංක 10 කණ්ඩායම වෙත සම්බන්ධ කර ගත් විශේෂිත අයෙකු ලෙසින්ද ඌ හඳුන්වා දී තිබුණා. කැමරන්ගේ නිල ධුර කාලය තුළ අවස්ථා කිහිපයකදීම පැවැත්වූ මාධ්‍ය හමුවලදී කැමරා ඇසට හසුවෙමින් කැපී පෙනෙන චරිතයක් බවට පත්වෙන්නටත් ලැරී සමත් වුණා.
No comments:
Post a Comment