බ්‍රොයිලර් කුකුළු මස් වැඩිපුර ආහාරයට ගැනිමෙන් බැක්‌ටීරියා ආසාදන රෝගවලට ගොදුරු වීමේ අවදානමක් ඇති බව ක්‍ෂුද්‍ර ජීවී විශේෂඥ වෛද්‍ය කුෂ්ලානි ජයතිලක පවසයි.
ඇය මේ බව ප්‍රකාශ කළේ 29 වන අගහරුවාදා ප්‍රතිජීවක ඖෂධ පිළිබඳව මාධ්‍ය දැනුවත් කිරීම සඳහා සෞඛ්‍ය අධ්‍යාපන කාර්යාංශයේ පැවැති මාධ්‍ය හමුවකදී ය.
එහිදී ඇය කියා සිටියේ මස් ආහාරයට ගැනීම සදහා ගොවිපළවල ඇති කරන බ්‍රොයිලර් වර්ගයේ කුකුළන් සහ ඌරන් වැනි සතුන් ඉතා ඉක්‌මනින් වර්ධනය කරගැනීමට ප්‍රතිජීවක ඖෂධ ලබාදීම හේතුවෙන් එවැනි මස් වර්ග ආහාරයට ගැනීමෙන් බැක්‌ටීරියා රෝගවලට ගොදුරු විය හැකි බවයි.
එම රෝග සදහා ප්‍රතිජීවක ඖෂධ ලබාදුන් විට ඊට එම බැක්‌ටීරියා විරුද්ධව ක්‍රියා කිරීම නිසා නොයෙකුත් බැක්‌ටීරියා ආසාදනවලට ගොදුරු වීමේ අවදානම ශ්‍රී ලංකාවේ ඉහළ ගොස්‌ ඇති බවද ඇය පැවසීය.
මෙවැනි ආහාර වර්ග පරිභෝජනය කිරීම සීමා කළ යුතු බවත්, ප්‍රතිජීවක ඖෂධ අනවශ්‍ය ලෙස භාවිතය සීමා කළ යුතු බවත් විශේෂඥ වෛද්‍යවරිය ජනතාවගෙන් ඉල්ලා සිටියේ ය.
No comments:
Post a Comment